ನಮ್ಮ ತಾಯಿ ದೇವರು ಪುಸ್ತಕದ ವಿಮರ್ಶೆ

ಬೆಳಗಾವಿಯ ಸಾಹಿತಿ, ಶಿಕ್ಷಕರಾದ ಡಾ.ಸುನೀಲ ಪರೀಟ ಗುರುಗಳು ಅವರ ಸಂಪಾದಕೀಯ ನೇತೃತ್ವದಲ್ಲಿ ಮೂಡಿಬಂದಿರುವ ನಮ್ಮ ತಾಯಿ ದೇವರು ಕವನ ಸಂಕಲನವು ಮಾತೃತ್ವದ ಅನನ್ಯತೆಯನ್ನು ಕೊಂಡಾಡುವ ಒಂದು ಅತ್ಯುತ್ತಮ ಸಾಹಿತ್ಯ ಕೃತಿಯಾಗಿದೆ. ಜಗತ್ತಿನಲ್ಲಿ ಅತ್ಯಂತ ಪವಿತ್ರವಾದ ಮತ್ತು ನಿಸ್ವಾರ್ಥವಾದ ಸಂಬಂಧವೆಂದರೆ ಅದು ತಾಯಿ. ತಾಯಿಯ ಪ್ರೀತಿ, ತ್ಯಾಗ ಮತ್ತು ಕರುಣೆಯನ್ನು ಅಕ್ಷರಗಳಲ್ಲಿ ಹಿಡಿದಿಡುವುದು ಸುಲಭದ ಮಾತಲ್ಲ. ಆದರೆ ಬೆಳಗಾವಿಯ ಪ್ರತಿಭಾವಂತ ಬರಹಗಾರರು, ಶಿಕ್ಷಕರು ಹಾಗೂ ಸಂಪಾದಕರಾದ ಸುನೀಲ ಪರೀಟ ಸರ್ ಅವರ ನೇತೃತ್ವದಲ್ಲಿ ಹೊರಬಂದಿರುವ ನಮ್ಮ ತಾಯಿ ದೇವರು ಕವನ ಸಂಕಲನವು ಈ ನಿಟ್ಟಿನಲ್ಲಿ ಶ್ಲಾಘನೀಯ ಪ್ರಯತ್ನ ಮಾಡಿದೆ. ವಿವಿಧ ಕವಿಗಳ ಭಾವನೆಗಳನ್ನು ಒಟ್ಟುಗೂಡಿಸಿ, ತಾಯಿಯ ಉನ್ನತ ಸ್ಥಾನವನ್ನು ಸಾರುವಲ್ಲಿ ಈ ಕೃತಿ ಯಶಸ್ವಿಯಾಗಿದೆ.

ನಮ್ಮ ತಾಯಿ ದೇವರು ಎಂಬುದು ಕೇವಲ ಒಂದು ಪುಸ್ತಕವಲ್ಲ ಅದು ಪ್ರತಿಯೊಬ್ಬರ ಬದುಕಿನ ಜೀವನಾಡಿಯಾಗಿರುವ ತಾಯಂದಿರಿಗೆ ಅರ್ಪಿಸಿದ ಭಾವನಾತ್ಮಕ ಕಾವ್ಯ ನಮನ. ಈ ಕವನ ಸಂಕಲನವು ತಾಯಿಯ ನಿಸ್ವಾರ್ಥ ಪ್ರೀತಿ, ತ್ಯಾಗ, ಮತ್ತು ಮಮತೆಯನ್ನು ಅತ್ಯಂತ ಮಾರ್ಮಿಕವಾಗಿ ಚಿತ್ರಿಸುತ್ತದೆ. ನಮ್ಮ ತಾಯಿ ದೇವರು ಎಂಬುದು ತಾಯಿಯ ಮಮತೆ, ತ್ಯಾಗ ಮತ್ತು ವಾತ್ಸಲ್ಯವನ್ನು ಕೊಂಡಾಡುವ ಕವನಗಳ ಒಂದು ಸುಂದರ ಮತ್ತು ಭಾವನಾತ್ಮಕ ಕವನ ಸಂಕಲನ ಪುಸ್ತಕವಾಗಿದೆ. ಈ ಪುಸ್ತಕವು ತಾಯಿಯನ್ನು ಪ್ರತ್ಯಕ್ಷ ದೇವರೆಂದು ಭಾವಿಸುವ ಪ್ರತಿಯೊಬ್ಬ ಕನ್ನಡಿಗನ ಹೃದಯ ಮುಟ್ಟುವ ಕೃತಿಯಾಗಿದೆ. ಈ ಕವನ ಸಂಕಲನದ ಕೇಂದ್ರ ಬಿಂದು ತಾಯಿ. ನವಮಾಸ ಹೊತ್ತು ಹೆತ್ತು, ಸಾಕಿ ಸಲಹುವ ತಾಯಿಯ ಒಡಲ ಕರುಳಿನ ಕರೆಯನ್ನು ಕವಿಗಳು ಇಲ್ಲಿ ಅತ್ಯಂತ ಮಾರ್ಮಿಕವಾಗಿ ಚಿತ್ರಿಸಿದ್ದಾರೆ. ದೇವರು ಎಲ್ಲ ಕಡೆ ಇರಲು ಸಾಧ್ಯವಾಗದೆ ತಾಯಿಯನ್ನು ಸೃಷ್ಟಿಸಿದ ಎಂಬ ನಾಣ್ಣುಡಿಗೆ ಈ ಕೃತಿ ಕನ್ನಡಿ ಹಿಡಿಯುತ್ತದೆ.

ಈ ಕವನ ಸಂಕಲನದ ಪ್ರತಿಯೊಂದು ಕವಿತೆಯೂ ತಾಯಿಯ ವಿವಿಧ ರೂಪಗಳನ್ನು ಕಣ್ಣಿಗೆ ಕಟ್ಟುವಂತೆ ವರ್ಣಿಸುತ್ತದೆ. ಕವಿಗಳು ಅಥವಾ ಸಾಹಿತಿಗಳು ತಾಯಿಯನ್ನು ಕೇವಲ ಹೆತ್ತವಳಾಗಿ ಮಾತ್ರವಲ್ಲದೆ, ಕಷ್ಟಗಳ ಕಾರ್ಮೋಡದ ನಡುವೆ ಬೆಳಕು ನೀಡುವ ದೇವತೆಯಾಗಿ ಚಿತ್ರಿಸಿದ್ದಾರೆ. ದೇವರಿಲ್ಲದ ಮನೆ ಶೂನ್ಯ, ತಾಯಿಯಿಲ್ಲದ ಜನ್ಮ ವ್ಯರ್ಥ ಎಂಬ ಸತ್ಯವನ್ನು ಇಲ್ಲಿನ ಕವನಗಳನ್ನು ಓದುತ್ತಾ ಹೋದರೆ ಅನಿಸಿರುವ ಮಾತು ಇದು.

ಈ ಪುಸ್ತಕವನ್ನು ಓದುತ್ತಿದ್ದರೆ ನಮ್ಮದೇ ಬಾಲ್ಯ, ನಮ್ಮ ತಾಯಿ ನಮಗಾಗಿ ಪಟ್ಟ ಕಷ್ಟಗಳು ಕಣ್ಣಮುಂದೆ ಸುಳಿದು ಹೋಗುತ್ತವೆ. ನಾವರಿಯದೆ ಮಾಡಿದ ತಪ್ಪುಗಳಿಗೆ ತಾಯಿ ನೀಡಿದ ಕ್ಷಮೆ, ಅವಳ ಮಡಿಲಲ್ಲ ಸಿಗುತ್ತಿದ್ದ ಪರಮ ಸುಖ ನೆನಪಾಗಿ ಕಣ್ಣಾಲಿಗಳು ತೇವಗೊಳ್ಳುತ್ತವೆ. ಇಂದಿನ ಆಧುನಿಕ ಜಗತ್ತಿನಲ್ಲಿ ಹೆತ್ತವರನ್ನು ವೃದ್ಧಾಶ್ರಮಕ್ಕೆ ತಳ್ಳುವ ಮನಸ್ಥಿತಿಯ ಜನರಿಗೆ ಈ ಪುಸ್ತಕ ಒಂದು ಕಣ್ಣುತೆರೆಸುವ ಕನ್ನಡಿಯಾಗಿದೆ. ತಾಯಿಯ ಮೌಲ್ಯವನ್ನು ಮರೆಯುತ್ತಿರುವ ಇಂದಿನ ಪೀಳಿಗೆಗೆ ಇದು ಅತ್ಯಗತ್ಯವಾಗಿ ತಲುಪಬೇಕಾದ ಕೃತಿ.

ನಮ್ಮ ತಾಯಿ ದೇವರು ಕವನ ಸಂಕಲನವು ಕೇವಲ ಓದುವ ಪುಸ್ತಕವಲ್ಲ ಅದು ಪ್ರತಿಯೊಬ್ಬ ಮಗ ಮತ್ತು ಮಗಳ ಭಾವನೆಗಳ ಒಟ್ಟು ಮೊತ್ತ. ತಾಯಿಯ ಪ್ರೀತಿಯನ್ನು ಅರಿಯಲು ಮತ್ತು ಸಾಹಿತ್ಯದ ಮೂಲಕ ತಾಯಿಗೆ ಗೌರವ ಸಲ್ಲಿಸಲು ಈ ಪುಸ್ತಕವನ್ನು ಪ್ರತಿಯೊಬ್ಬರೂ ಒಮ್ಮೆ ಓದಲೇಬೇಕು. ಸಾಹಿತ್ಯಾಸಕ್ತರ ಮನೆ ಮತ್ತು ಮನದಲ್ಲಿ ಇರಬೇಕಾದ ಅತ್ಯುತ್ತಮ ಕೃತಿ ಇದು. ತಾಯಿಯ ಋಣವನ್ನು ತೀರಿಸಲಾಗದಿದ್ದರೂ, ಅವಳ ಪಾದಗಳಿಗೆ ಅರ್ಪಿಸಬಹುದಾದ ಅತ್ಯುತ್ತಮ ಕಾವ್ಯ ಪುಷ್ಪ.

ಒಟ್ಟಾರೆಯಾಗಿ ಹೇಳುವುದಾದರೆ, ನಮ್ಮ ತಾಯಿ ದೇವರು ಕವನ ಸಂಕಲನವು ಪ್ರತಿಯೊಂದು ಮನೆಯ ಲೈಬ್ರರಿಯಲ್ಲೂ ಇರಬೇಕಾದ ಕೃತಿ. ತಾಯಿಯ ಪಾದಕ್ಕೆ ಅರ್ಪಿಸಿದ ಈ ಕಾವ್ಯ ನಮನವು ಓದುಗರಲ್ಲಿ ಹೆತ್ತವರ ಮೇಲಿನ ಗೌರವವನ್ನು ಮತ್ತಷ್ಟು ಹೆಚ್ಚಿಸುತ್ತದೆ. ಇಂತಹ ಅರ್ಥಪೂರ್ಣ ಕೃತಿಯನ್ನು ಕನ್ನಡ ಸಾರಸ್ವತ ಲೋಕಕ್ಕೆ ನೀಡಿದ ಸಂಪಾದಕರು ಸುನೀಲ ಪರೀಟ ಸರ್ ಅವರಿಗೆ ತುಂಬು ಹೃದಯದ ಧನ್ಯವಾದಗಳು

ಕು. ಜ್ಯೋತಿ ಆನಂದ ಚಂದುಕರ

ಬಾಗಲಕೋಟ