51 ಅಗ್ರಹಾರ ವಾರ್ಡಿನಲ್ಲಿ ಅಯೋಧ್ಯೆ ರಾಮ ಮಂದಿರ ಉದ್ಘಾಟನೆಯನ್ನು ಸಂಭ್ರಮಿಸಿದ ರಾಮ ಭಕ್ತರು

ಅಯೋಧ್ಯೆ ರಾಮ ಮಂದಿರ ಪ್ರಾಣ ಪ್ರತಿಷ್ಠಾಪನೆ ದಿನವಾದ ಇಂದು ಮೈಸೂರಿನ ಕೃಷ್ಣರಾಜ ಕ್ಷೇತ್ರದ 51 ಅಗ್ರಹಾರ ವಾರ್ಡಿನಲ್ಲಿ ಪ್ರಭು ಶ್ರೀ ರಾಮ ನ ಭಾವಚಿತ್ರಕ್ಕೆ ಪುಷ್ಪಾರ್ಚನೆ ಮಾಡುವ ಮೂಲಕ ಸಂಭ್ರಮದಿಂದ ಆಚರಿಸಲಾಯಿತು. ಆತ್ಮೀಯ ಸೇವಾ ಫೌಂಡೇಷನ್ ಅಧ್ಯಕ್ಷರಾದ ಶ್ರೀಧರ್ ರವರು ಆಯೋಜಿಸಿದ್ದ ಕಾರ್ಯಕ್ರಮದಲ್ಲಿ ಸಾರ್ವಜನಿಕರಿಗೆ ಪಾನಕ ಮಜ್ಜಿಗೆ ಮತ್ತು ಸಿಹಿ ಹಂಚುವ ಮೂಲಕ ಕಾರ್ಯಕ್ರಮ ನೆರವೇರಿತು. ಈ ಸಂದರ್ಭದಲ್ಲಿ ಫೌಂಡೇಷನ್ ನ ಅಧ್ಯಕ್ಷರಾದ ಶ್ರೀಧರ್, ಅಗ್ರಹಾರ ವಾರ್ಡಿನ ಯುವ ಮುಖಂಡ ತೇಜಸ್ವಿ ನಾಗಲಿಂಗ ಸ್ವಾಮಿ, ಮತ್ತು ಮೋಹನ್, ಪ್ರಕಾಶ್, ಹಿರಿಯರಾದ ನಂಜುಂಡ ಸ್ವಾಮಿ, ಕಿರಣ್, ಅಜಯ್, ಕಾಳೇಗೌಡ, ನಾಗರಾಜು, ಇನ್ನಿತರು ಭಾಗವಹಿಸಿದ್ದರು.