ಮಾನವೀಯತೆಗಿಂತ ಅವಕಾಶ ಮುಖ್ಯ ತಾಳಿಕೋಟಿಮಠ

ನವಲಗುಂದ: ಪ್ರತಿಯೊಂದು ಕ್ಷೇತ್ರದಲ್ಲಿ ವಿಕಲಚೇತನರಿಗೆ ಅವಕಾಶಗಳನ್ನು ಕಲ್ಪಿಸಿಕೊಡಬೇಕು. ಮಾನವೀಯತೆಗಿಂತ ಅವಕಾಶಗಳು ತುರ್ತು ಅಗತ್ಯವಾಗಿವೆ. ಸರಕಾರದ ಸರ್ವ ಸೌಲಭ್ಯಗಳನ್ನು ವಿಕಲಚೇತನ ಮಕ್ಕಳಿಗೆ ಒದಗಿಸಿ ಕೊಡುವಲ್ಲಿ ಶಿಕ್ಷಕರ ಪಾತ್ರ ಪ್ರಮುಖ ವಾಗಿದೆ. ಅಂಗವಿಕಲತೆ ಶಾಪವಲ್ಲ- ಅದು ವರವಾಗಿದೆ. ಸಮಾಜದಲ್ಲಿ ಅಂಗವಿಕಲತೆಯನ್ನು ಹೀಯಾಳಿಸುವುದು ನಿಲ್ಲಬೇಕಾಗಿದೆ, ಎಂದು ತಾಲೂಕ ವಿಕಲಚೇತನ ಸರಕಾರಿ ನೌಕರರ ಸಂಘದ ಅಧ್ಯಕ್ಷ ನಿಲಯ್ಯ ಎಸ್. ತಾಳಿಕೋಟಿಮಠ ಕರೆ ನೀಡಿದರು.

 ಸ್ಥಳೀಯ ಸರಕಾರಿ ಮಾದರಿ ಕೇಂದ್ರ ಕನ್ನಡ ಗಂಡು ಮತ್ತು ಹೆಣ್ಣು ಮಕ್ಕಳ ಶಾಲೆಯ ಸಂಯುಕ್ತ ಆಶ್ರಯದಲ್ಲಿ ಜರುಗಿದ ವಿಶ್ವ ಅಂಗವಿಕಲರ ದಿನಾಚರಣೆಯ ಕಾರ್ಯಕ್ರಮವನ್ನು ಉದ್ಘಾಟಿಸಿ ತಾಳಿಕೋಟಿಮಠ ಮಾತನಾಡಿದರು.

        ಅಧ್ಯಕ್ಷತೆ ವಹಿಸಿದ್ದ ಪ್ರಭಾರಿ ಪ್ರಧಾನ ಗುರುಗಳಾದ ಡಾ. ಸಿದ್ಧಲಿಂಗೇಶ ಎಸ್ ಹಂಡಿಗಿ ಮಾತನಾಡಿ, ವಿಕಲಚೇತನರಲ್ಲಿ ಸುಪ್ತವಾಗಿ ಅಡಗಿರುವ ಸಾಮರ್ಥ್ಯವನ್ನು ಗುರುತಿಸಿ, ಅವಕಾಶಗಳನ್ನು ಒದಗಿಸುವುದು ಹಾಗೂ ಸಮಾಜದಲ್ಲಿ ಅವರಿಗೂ ಸಮಾನ ಗೌರವ ಕೊಡುವುದು ಅಗತ್ಯವಾಗಿದೆ ಎಂದರು 

          ಶಿಕ್ಷಕರಾದ ಡಿ ಎಚ್ ಮಳಲಿ,ಆರ್ ಎಸ್ ಕಲ್ಲೂರ, ಶ್ರೀನಿವಾಸ ನವೀಂದ್ರಕರ, ಜಯಶ್ರೀ ಹೊಸಮಠ ಹಸೀನಮಾ ಬೈರೆಕದಾರ ಅತಿಥಿಗಳಾಗಿದ್ದರು. ಲಕ್ಷ್ಮಿ ವಾಲೀಕಾರ, ಉಡಚಮ್ಮ ಬೋವಿ, ಶಶಿಕಲಾ ಸವಣೂರ,ಮಲ್ಲಮ್ಮ ಭೋವಿ,ದೇವಕ್ಕ ಮುರುಡಿ, ರೇಣುಕಾ ಸಂಭನವರ,ಬಸಮ್ಮ ಗುತ್ತೆಪ್ಪನವರ, ಪಾರವ್ವ ಯಾವಗಲ್ಲ ಮತ್ತಿತರರು ಉಪಸ್ಥಿತರಿದ್ದರು.