"ಇ-ಖಾತ ಮೇಳ"ವನ್ನು ಬಳಸಿಕೊಳ್ಳಿ ; ಕುಸುಮ ಹನುಮಂತರಾಯಪ್ಪ

ರಾಜರಾಜೇಶ್ವರಿ ನಗರ ವಿಧಾನಸಭಾ ಕ್ಷೇತ್ರದ ಜ್ಞಾನ ಭಾರತಿ ವಾರ್ಡಿನಲ್ಲಿ "ಇ - ಖಾತ ಮೇಳ"ವನ್ನು ಕಾಂಗ್ರೆಸ್ಸಿನ ಮುಖಂಡರಾದ ಕುಸುಮ ಹನುಮಂತರಾಯಪ್ಪನವರು  ಉದ್ಘಾಟಿಸಿದರು. ಕುಸುಮಾರವರು ಮಾತನಾಡುತ್ತಾ ಕಾಂಗ್ರೆಸ್ ಸರ್ಕಾರದ ಪ್ರಮುಖ ಭರವಸೆಯಾದ "ಮನೆ ಮನೆಗೆ ಈ ಖಾತ ಮೇಳ"ವನ್ನು ಉದ್ಘಾಟಿಸುತ್ತಿರುವುದು ಸಂತಸ ತಂದಿದೆ, ನಮ್ಮ ಸರ್ಕಾರದ ಮಹತ್ವಾಕಾಂಕ್ಷೆಯ ಈ ಯೋಜನೆ ಯಶಸ್ವಿಯಾಗಿ ಪ್ರತಿ ಕ್ಷೇತ್ರದಲ್ಲೂ ಮುಂದುವರೆಯುತ್ತಿದೆ. ಮುಂದಿನ ದಿನಗಳಲ್ಲಿ ಇಡೀ ರಾಜರಾಜೇಶ್ವರಿ ನಗರ ವಿಧಾನಸಭಾ ಕ್ಷೇತ್ರದಲ್ಲಿ "ಇ-ಖಾತ ಮೇಳ"ವನ್ನು ಆಯೋಜಿಸಲಾಗುತ್ತದೆ. ಇದನ್ನು ಸದುಪಯೋಗಪಡಿಸಿ ಕೊಳ್ಳಬೇಕೆಂದು ಸಾರ್ವಜನಿಕರಲ್ಲಿ ಮನವಿ ಮಾಡಿದರು.

ವಾರ್ಡಿನ ಅಧ್ಯಕ್ಷರಾದ ಡಾ. ಎಚ್. ತುಕಾರಾಂ ಮಾತನಾಡುತ್ತಾ  ಕಚೇರಿಗಳಿಗೆ ಹೋಗಿ ಖಾತೆಗೆ ಅರ್ಜಿ ಸಲ್ಲಿಸುವುದು ಸ್ವಲ್ಪ ಕಷ್ಟದ ಕೆಲಸವಾಗಿತ್ತು. ಇಂತಹ ಸಂದರ್ಭದಲ್ಲಿ ನಮ್ಮ ನಾಯಕರಾದ ಡಿ.ಕೆ ಸುರೇಶ್,  ಕುಸುಮ ಹನುಮಂತರಾಯಪ್ಪ ನವರ ಮಾರ್ಗದರ್ಶನದಂತೆ ನಮ್ಮ ವಾರ್ಡಿನಲ್ಲಿ ಈ ಪ್ರಯತ್ನವನ್ನು ಮಾಡಲಾಗುತ್ತಿದ್ದು ಸಾರ್ವಜನಿಕರು ಬಹಳ ಉತ್ಸಾಹದಿಂದ ಬಂದು ತಮ್ಮ ಸ್ವತ್ತಿನ ಇ-ಖಾತೆಯನ್ನು ಮಾಡಿಸಲು ಆಗಮಿಸುತ್ತಿರುವುದು ಸಂತೋಷ ತಂದಿದೆ. ಪ್ರತಿ ಭಾನುವಾರವೂ ಇ-ಖಾತ ಮೇಳವನ್ನು ಆಯೋಜಿಸಲಾಗುತ್ತದೆ ಎಂದರು.

ಮಾಜಿ ಕಾರ್ಪೊರೇಟರ್
ಶ್ರೀ ಮೋಹನ್ ಕುಮಾರ್ ವಾರ್ಡಿನ ಮಹಿಳಾ ಅಧ್ಯಕ್ಷರಾದ ಲಲಿತಾಂಬ, ಹಂಸ, ಭದ್ರೆಗೌಡರು, ಜಾನಕಮ್ಮ, ಯೋಗೇಶ್, ಮಂಜು ಮತ್ತು ಎಂ. ಹೆಚ್. ರಾಮಮೂರ್ತಿ ಮುಂತಾದವರು ಉಪಸ್ಥಿತರಿದ್ದರು.